NEWS
អ្នកវាយកូនបាល់ Luciano Darderi ឈ្នះជើងឯកកម្មវិធី Grand Prix Hassan II
2025-04-09 12:18:28
ការប្រកួតវាយកូនបាល់កម្រិត ATP Tour 250 កម្មវិធី Grand Prix Hassan II បានបញ្ចប់ជាស្ថាពរហើយ ក្រោយពីការប្រកួតបានដំណើរការ១សប្តាហ៍កន្លងមក នាទីក្រុង Marrakesh ប្រទេសម៉ារ៉ុក។
នៅក្នុងនោះគេក៏បានរកឃើញអ្នកឈ្នះជើងឯកនៃកម្មវិធីផងដែរ នោះគឺកីឡាករអ៊ីតាលី Luciano Darderi ដោយបានយកឈ្នះកីឡាករហូឡង់ Tallon Griekspoor នៅក្នុងការប្រកួតវគ្គផ្តាច់ព្រ័ត្រ តាមរយៈលទ្ធផលស្ទួនគ្នា 7-6 និង 7-6។
នេះជាការឈ្នះពានរង្វាន់កម្រិត ATP Tour ជាលើកទី២ នៅក្នុងអាជីពរបស់ កីឡាករវ័យ២៣ឆ្នាំ បន្ទាប់ពីបានឈ្នះការប្រកួតពានរង្វាន់ Córdoba Open នៅប្រទេសអាហ្សង់ទីន តាំងពីខែកុម្ភៈ ឆ្នាំ២០២៤មកម្ល៉េះ។
សូមបញ្ជាក់ថា កម្មវិធី Grand Prix Hassan II គឺជាការដំណើរការលើកទី ៣៩ប្រកួត នៅក្នុងប្រវត្តិសាស្ត្រនៃការប្រកួត។ ចំពោះប្រាក់រង្វាន់នៃកម្មវិធីមានប្រមាណ ៦៥ម៉ឺនដុល្លារឯណោះ៕
Go to our Telegram Group
Go to our Facebook page