ស្នេហាជាច្រើនឆ្នាំ ជាមួយនឹងចំណងដៃកូន​៣នាក់ និងទើបសម្រេចធ្វើពិធីអាពាហ៍ពិពាហ៍ កាលពីថ្ងៃទី២២ ខែមិថុនា ២០២៥ នេះ ប៉ុន្តែ Diogo Jota បែរជាជួបរឿងអកុសលបែបនេះ 🥹💔

ខ្សែ​ប្រយុទ្ធ Diogo Jota របស់ Liverpool បាន​ស្លាប់​ក្នុង​គ្រោះថ្នាក់​ចរាចរណ៍​នៅ​អាយុ 28ឆ្នាំ។ ប្អូនប្រុសឈ្មោះ Andre Silva វ័យ 26ឆ្នាំក៏បានបាត់បង់ជីវិតនៅក្នុងឧបទ្ទវហេតុនេះផងដែរ ដែលហេតុការណ៍នេះបានកើតឡើងនៅក្នុងខេត្ត Zamora របស់អេស្ប៉ាញ។ លោក Andre Silva ក៏ជាកីឡាករបាល់ទាត់អាជីពជាមួយនឹងក្លឹបលំដាប់ទីពីរនៅព័រទុយហ្គាល់ Penafiel ។ តាមរបាយការណ៍ចរាចរណ៍បាន​និយាយ​ថា រថយន្ត​របស់​ពួកគេ​ម៉ាក Lamborghini បាន​បើក​ធ្លាក់ចេញពី​ផ្លូវ​ដោយសារ​កង់​រថយន្ត​បែក​ ខណៈកំពុងវ៉ា​ជែង​រថយន្ត​មួយ​គ្រឿង​ទៀត ហើយ​ក៏​ត្រូវ​ភ្លើង​ឆាបឆេះ​តែម្តង​។ Jota បានរៀបការជាមួយមិត្តស្រីដ៏យូររបស់គាត់ឈ្មោះ Rute Cardoso ដែលអ្នកទាំងពីរមានកូនប្រុស ២ និងកូនស្រី ១។ Jota បានជួយ Liverpool ឈ្នះជើងឯក Premier League កាលពីរដូវកាលមុន និងបានជួយឱ្យព័រទុយហ្គាល់ផ្តួលក្រុមអេស្ប៉ាញក្នុងវគ្គផ្តាច់ព្រ័ត្រនៃ Nations League កាលពីខែមិថុនាផងដែរ។ សូមវិញ្ញាណក្ខ័ន្ធរបស់ Diogo Jota និងប្អូនប្រុសទៅឱ្យសុខ 🕊🕊🕊